Skip to content Skip to footer

Pherzawl District a thawkna nei hai kuomah lekhathawn

PHERZAWL DISTRICT – people’s portal Forums Citizen Complaints Pherzawl District a thawkna nei hai kuomah lekhathawn

Tagged: 

Viewing 3 reply threads
  • Author
    Posts
    • #1313
      Benjamin ShakumBenjamin Shakum
      Participant

      PHERZAWL DISTRICT A THAWKNA NEI HAI KUOMAH LEKHATHAWN

      Hotu in za um tak tak hai,

      A hmasatakah in Lalpa Isu Krista hmingin chibai.

      Ei hriet seng ta angin, Pherzawl District chu 8th December 2016 Khan District ni ta dinga puong a na. Ei lawm seng a, Pherzawl District hi hung parvul ngei sien ti a beiseina nei naw chu ei um mang hmel nawh. Naute hrisello tak, duot tak le fimkhur tak a enkawl ngai, angin in Pherzawl District chu a um a. Infrastructure thra tawk le mumal tawk lo a la sip niin, office lo function hlak na hmun hai khom lo tlase ta dam a ni a, lampui a thra naw bok, electric meivar tak ngiel Khom la mumal lo…. Pherzawl district, ei renga ei naute thar, hi fimkhur tak le duot taka enkawl chu makmaw a ei thaw ding a lo ni tah.

      David Livingston (1813-1873) kha Scotland mi missionary /explorer a ni a, Africa ram an voina lei khan Africa a riengvai hai tamtak ta ding a taksa le thlarau ah saltang hai zalenna dar vaw tu niin, Africa a riengvai hai ta dinga malsawmna intluntu anih. A in lum a um zing sin la chu chuong chu a ni awm si naw a. Watkin R Roberts (1886-1969) Khom kha thlarau le taksa a malsawmna Gospel meiser hung chawiin Pathien anthoka hmangaina in a tirlui lei a ei ram a hung lutchil ana. A hung lut lai khan British sorkar agent pa chun,’ I fe tumna hmun hi tri a um rapthlak anih. I lu an lo lak nuom ngei ding anih ‘ tiin fe lo dingin a phut a. Amiruokchu mani rinum um poisa lo a a phurrik a phur suok na lei khan voisun hi eini hai hi thlarau le taksa a malsawmna tamtak ei dong ta zing a nih. Ama khom kha a in lum a lo um trok trok nisien ei ram a danglam naw ding a na.

      Pherzawl District a office le department hran hran a sorkar thawktu hai hming ei hei en chun Pathien nauhai ei lo tam zi ti ei hmu thei a, a lawmum in a ropui em em a nih. Lalpa Pathienin a thawpal a hieng zat zet a nauhai hi Pherzawl District ah si in District hi duot taka enkawlna sin thaw dinga a ruot chu ni naw nih. Lalpa, ei Pathien, hin Iengkim fel takin a relbawl hlak si a. ‘Infrastructure a la thra nawh, an hoi nawh a, a buoithlak anih’ ti hai hi mani sin thaw na a hmun ngei a va umchil naw na ding chun suonlam thei chu ning a tih, amiruokchu chuong a suonlam a hai chun ei Lalpa ei Pathien, sin thaw ding a mi ditsak tu, in iengtinam a ngai ding maw? ‘Chan a trul le chan ei tieu a tur a trul leh tur ei tieu ‘ ti a hlasiemtu haiin zai tin zai tang a an lo in zawt na, biekin lamzawl ah ei lo hlim pui hlak na ram kha, mi ta dinga malsawmna ni ding chun a tak a phur suok chu a trul an tah an naw mani?

      Ei ram a va um ding chun umna in ding ei tlasam ring a um naw a, dining table le pucca building a ni khat kar dan a sa ei fak zing lai ah, eini mi nghak in ram in trawl tieng a pan zing nek chun, rawtuoi changal in thak tawka , khampalei a inthrung a rap in a fak a, lungril anthoka a ei ram mi pui hai hmangaina phul liem pum a namthlak a zana zal thawveng vengveng chu a lo inhoi lem dei thei a nih. Ring um le fel taka mani mawphurna phursuok tu ding a Pathien in a mi ring hai hin ei sin thaw na hmun a um si lo a Churachandpur lai vel a dam Sunday School kai thrat lawmman ei lo dong el chun Pathien lawmna a ni dim maw? Ei mithiem tamtak in ziek le tiem dan le khawvel thiem inchukding hai an lo tonhrietna sorkar school hai a naupang hai dam hin an zirtirtu indik tak hai a tak in hmu kar an va nghakhla awm de maw?

      Chawngpu nina a sin thawtu um na a chun infrastructure le a trul dang popo a hung parvul el hlak a nih. Pathien I hrietpui ringumna chu sorkar rorelna khom a a hriet em em hlak. Chawngpu nina a sin thaw hai in ram an siem thra a, anni khom an hlim hlak a, hlawfa sin thaw hai ruok chun an hlaw char an buoipui. ‘Chawngpu ninan sin kan thaw, hlawfa sin thaw hai lo chawl ta ro’ ti a zai tin zai tang a ei lo inzawt ta sa kha a tak ram a hmang a va trul ta awm de aw!

      Hi hma met Khan inchuklai hai thrahnemngaina in mani sin thawna hmun a fe ding tiin in SDO le BDO office chu a um naw na ding hmun a um ani leiin an va khar top a. Ei ri a se ngei. Anachu Pathienin rawl inringtakin hril tum a mi nei a ni thei. A zai a Pathienin biekin a hai ringumna thu a mi hril hlak hi a ei uksak naw deu leiin a chi dang deuin a hung bei am an ta ding? Department dang hai popo khom khang kher kher a intirluina a ngai dim mani aw? Pei lo ngawi ngawi a, pheng puma, fe a trul kher amani.?

      Thafan takin, Pathien nauhai ei ni ang hrimin, ei fel ang hrimin, ram mipui haiin malsawmna ngawi an lo daw thrup ta lai hin ‘Khom kei ka um an nawm, a rinum a khom, an hoi a khom, mi ta din malsawmna ni thei ve din ka sin thaw na hmun pan ka tih’ ti ri a hung in riek ding hi tlumte thlir in ei lo thlir a, ei trong trai na a ni bok a nih.

      Pherzawl District duot tak le fimkhur taka nau anga don tlei tu ding ei ni seng a, Pathien in sin a mi ruot pek hai hi chu ngai poimaw a tak a phursuok a hun an ta an naw maw?

      Rev Benjamin Shakum
      For the sake of Pherzawl District

    • #1341
      Eric FimateEl Fimate
      Keymaster

      A thu a ṭhain hieng ang rawngbawltuin ṭhahnemngai taka sawrkar thawktuhai an sin thawna chita um ding le ei ram suk hmasawn dinga a ngen hi a ropuiin entawntlak tak a nih. Kohran pawl hran hran khawma Kohran sawrkar sin nei, mani sinthawna hmuna um lo hai chu an umna hmuna um dingin hei hril sau sau tawl inla chu umzie khawm nei nawk zuol hle dingin ring a um. Rev. Benjamin Shakhum i ziek ṭha hle

      • This reply was modified 3 years ago by Eric FimateEl Fimate.
      • #1583
        mala hmarmala hmar
        Participant

        Kohran dawikawlawk an tam mama a ni

    • #1404
      C.H VungaC.H Vunga
      Participant

      Reverend ziek a ni lei am a ni, ngenna zawng in innem diei in a ziek a; ka ngaidan ve a chun mani sinthawna a um peilo chu inban pei hai sien, mi hiengzat sin hmu lo (unemployment) um lai ah!

      Eini vai ram ah, inrim takin, thei patawp in sin ei thaw a, ei sawl ra eini mi hai sik phak ding ni hlei lo. Chu sa khawm chun ankhat tawk chun ka nikhat sin thaw dawk le ka hlaw ka hang buk tawn in sorkar chung ah inphalam chang ka la nei tho a ni a!

      A hmun a um hai khan hieng ang mani thawkna hmuna um pei lo hai hi thawdan pangngai in lo ngai ta naw hram ro. Hotu lien lem hai kuom ah report pei unla umzie la hung nei em em a tih. Ei khawvel a changkang tah. Thil indiklo hi ei do ngam a ngai an tah. Ei Pathien hi indikna Pathien a ni ang bawkin, thil indiklo i do kha ringtu thaw lo chi ah ngai der naw la, Pathien lawmzawng a nih ti hre tlat rawh.

      • #1585
        mala hmarmala hmar
        Participant

        Kohran pawl huoisen a tul

    • #1581
      mala hmarmala hmar
      Participant

      Mani sinthawna hmuna um tawp ding a nih.

Viewing 3 reply threads
  • You must be logged in to reply to this topic.